Hehna/Thangpaihna Tangthu

Putek khat a om a, a tupapa chu nitak lam teng in ah a pu kiang ah tu din a hoh zel a dawtna tampi a dawt te a Pu'n a dawng zel ahi.

Nikhat chu a tupapa pen a kiang ah heh mel pua in hong pai a,

A pu'n, "Bawi, hong pai in, Bang thu om a tuni hon hilh in" a chi hi

A tupa pa chu a pu khuk ah ki ngai in ah a pu mel vuai leh mit vom a en a naupangpa hehna chu mittui in a hong luang khia ahi.

Naupang pan, "Tuni'n ka pa toh khopi ah ka sing kholkhawm te uh zuak din ah ka va hoh ua, kei chu ka kipak petmah, a ziak chu ka pan ah ka panpih gige man in ah ka deih pen2 hon leisak din hon chiam a hi"

"Ka phur diak hiai khopi ka pai masak ni penle ahih ziak in ah, Dawr ah thil tampi ka en a a tawp a tawp in ah Sik temta neu ka mu a, kei a din a neu hun litlet a ka deih mah2 ziak in ah huai ka pan hon leisakta ahi".

Naupang pa chu a pu khe tung ah ki ngai in hong dai ta ahi. A pu in a lu nem tak in a zut kawm in ah, a zoh bang chi a ci in a dawng ahi.

Naupang pan, "keile ka pai khia a inkong ah ka temta hoihtak endin ah, hucih lai in ah khopi naupang te a hong pai ua ka kiang ah paukam sia tak2 hong zatkhum uh hi"

"Mihaipa, mi trop pa, chi in hong kou ua, a lak ua lianpen khat in ah hon sawn a khat lam ka tung a ka temta tawi a kia a, hon nuihsan in a tai mang uh ahi"

Naupang pa le a heh petmah a, a pu kiang ah. "ka hua vek, a vek un ka hua" a hon chita hi

A pu in ah a naupang pa hoihtak a en kawm in ah bawi ken thil khat ka hon hilh ding aw a chi hi

Bawi kenle hucibang a hon bawl a poisakna nei hetlo te kenle hoih kasa kei a hi. Hilele HUATNA in ah nang hon ne gai a, na melma te su kha lo ahi. Poison na dawn a na melma te sih di na deih toh kibang ahi. Hicibang hehna ken le ka hinkhua ah kana sual vak kha ta.

Keisung ah Si-al nih om bang in ka teh ahi, khat pen vawm khat pen ngou.

A ngou pen ahih leh a hoih a kuamah a din poi khoih a sawm ngei kei. Mitoh kituak tak in a khosa a kuamah a suk natsawm kei a, hilele ama dikna chu a gum tinten ngam ahi.

A vawm pen ahih leh hehna toh kidim, thil neucik a hehpah2 miteng toh kisia a hi. A ngaihtuahna leh a siamna a zang theikei a ziak chu amah pen hehna in a kidim gige. Hehna in bangmah hoih atun kei a siatna atun ahi.

A khenciang in ah kenle hiai gel toh khosak haksa ka sa mah2 ahi, anih tuak un ah ka lungsim hon luah sawm uh a ka kisual2 uh a chi hi.

Naupang pan a entou a, "Pu, Kawi pen in a zou?" ci in a dawng a,

A pu'n nui heuhau kawm in ah, " Kei panpih pen in a zou" achi hi.